· Onte reuniuse, en sesión ordinaria, a Asemblea da organización, sendo a única candidatura prevista a encabezada polo actual Secretario Xeral, Jonathan Da Silva.
Da Silva amósase satisfeito de que as Xuventudes Socialistas “sigan sendo unha escola da valores e non, coma outras, unha escola do mercadeo”, e califica o 15-M de “Bendición para a política”.
Ourense, 11 de Setembro de 2011, 11:30h.
Na tarde de onte, na Casa da Xuventude de Ourense, celebrouse a reunión ordinaria da Asemblea de Xuventudes Socialistas de Ourense na que, como cada dous anos, a Agrupación Local renovou seus principais órganos: a Executiva e a delegación ao Comité Nacional.
A única candidatura que optou á Executiva foi a encabezada polo actual secretario xeral, Jonathan Da Silva.
Da Silva, de 26 anos, militante de Xuventudes Socialistas dende 1999, ocupa a Secretaría Xeral dende finais do 2007, e opta agora a iniciar un terceiro mandato “agradecido aos extraordinarios compañeiros e compañeiras que, co seu comportamento e compromiso, íntegro e desinteresado, fan de Xuventudes Socialistas unha organización á que é un orgullo pertencer, e que pode mirar á cara aos xóvenes da provincia para falarlles de dereitos, de igualdade e de xustiza”, en palabras de Da Silva, quen afirma tamén que “a nosa é unha escola da valores, outras –afirma referíndose ás organizacións xuvenís de PP e BNG– son escolas do mercadeo, que reproducen tódolos vicios dos seus maiores”.
Con respecto á situación actual, o candidato á reelección, valora como unha “bendición para a política” o movemento do 15-M, xa que, explica, “abriu unha canle de comunicación entre a política e os xóvenes que está permitindo sumar ideas e abrir unha reflexión profunda e necesaria para as organizacións políticas; ademais, que comezase en España é fabuloso”.
Candidatura elexida:
Sº Xeral:
Jonatan Da Silva Vecino
ViceSº Xeral e Sº de Emancipación:
Isaac López Rey
Sº de Organización e Universidade:
José Antonio Nóvoa Fernández
Sª de Igualdade:
Irina Fernández Fernández
Sº de Política Social e Relacións Institucionais:
Ángel Gómez Pazos
Sª de Ensino non Universitario:
Thais Santos Bravo
Sº de Formación:
Juan Carlos Vila Sarandeses
Sª de Dinamización:
Andrea Carballo Nóvoa
Sº de Comunicación e Movementos Sociais:
José Manuel Montero López
Sº de Política Reivindicativa:
Pablo Cid Couce
Sª de Prensa e Actos:
Olalla Vázquez Pérez
Sº de Medio Ambiente e Cultura:
Rodrigo Cardama García
