-
Denuncian
que o retraso se debe a “cálculos electorais”.
-
As universidades
están a cobrar as taxas do curso 2012-2013, coas contías fixadas para o curso
anterior coa advertencia de que a diferencia lle será reclamada ó alumnado unha
vez sexan establecidos os novos prezos.
-
A situación
provoca que as e os estudantes deban contratar un servizo sen saber cal será o
custe final.
As Xuventudes Socialistas de Ourense denuncian o retraso
da Xunta de Galicia na aprobación do Decreto que regule as taxas universitarias
para o curso 2012-2013, cuxo período de matrícula está xa aberto.
Ante esta circunstancia, en
base ao Decreto 143/2012 do 5 de Xullo de 2012 aprobado polo goberno autonómico,
as universidades galegas están a prorrogar as taxas do curso 2011-2012 coa
advertencia aos estudantes de que lles será reclamada a diferencia con respecto
as novas taxas que acabe por determinar a Xunta de Galicia para o novo curso.
Esta circunstancia, segundo o
secretario de universidade da organización, José Antonio Nóvoa, “provoca unha incertidume intolerable a
estas alturas nas e nos estudantes, que están xa a formalizar a matrícula e a
aboar as taxas”. Ó alumnado ofréceselle tamén a posibilidade de cancelar
a matrícula unha vez se publiquen as novas contías.
Por outra banda, os xóvenes
socialistas cuestionan a base xurídica da mecánica coa que o goberno da Xunta e
as universidades galegas están a desenvolver o precedimento pois “obriga aos usuarios a contratar e aboar unha
cantidade por un servizo cuxo custe final descoñecen”.
Por último, os socialistas instan
ó Conselleiro de Educación, Jesús Vázquez, “a
aprobar xa o novo decreto, olvidándose de cálculos electorais, tendo en conta
as especiais dificultades económicas das familias galegas e primando a igualdade
de oportunidades entre as e os xóvenes do país”.
