Francisco Rodríguez destaca a necesidade de aproximar os políticos á sociedade
O Secretario Xeral da agrupación socialista ourensá participou esta tarde nun faladoiro con diversos colectivos sociais e culturais da cidade
O acto foi organizado polas Xuventudes Socialistas de Ourense con motivo do Maio Xoven
Ourense, 20 de maio de 2010.- O Secretario Xeral da agrupación socialista de Ourense e alcalde da cidade, Francisco Rodríguez, participou esta tarde nun faladoiro con diversos colectivos sociais e culturais ourensáns, organizado polas Xuventudes Socialistas de Ourense con motivo do Maio Xoven.
O Secretario Xeral da agrupación socialista ourensá participou esta tarde nun faladoiro con diversos colectivos sociais e culturais da cidade
O acto foi organizado polas Xuventudes Socialistas de Ourense con motivo do Maio Xoven
Ourense, 20 de maio de 2010.- O Secretario Xeral da agrupación socialista de Ourense e alcalde da cidade, Francisco Rodríguez, participou esta tarde nun faladoiro con diversos colectivos sociais e culturais ourensáns, organizado polas Xuventudes Socialistas de Ourense con motivo do Maio Xoven.
Durante o acto, que tivo lugar na Casa da Xuventude, e que foi presentado polo Secretario Xeral das Xuventudes Socialistas de Ourense Jonathan da Silva, Francisco Rodríguez explicou que nun momento como o que estamos a vivir é máis necesario que nunca a aproximación entre os políticos e a sociedade.
Desta forma, resaltou a importancia de encontros como este e a operatividade de órganos como o Pacto Cívico, que facilitan a recollida de suxestións e inquedanzas dos cidadáns para tomar as decisións máis acertadas e corrixir as desigualdades sociais.
Acompañado da concelleira Marga Martín, o alcalde afirmou que para o seu goberno é obxectivo fundamental priorizar as políticas sociais para darlle cobertura aos máis necesitados.
Así, os representantes de distintas asociacións e colectivos sociais déronlle a coñecer ao alcalde a realidade na que viven co obxectivo de mellorar as accións de goberno a través dun achegamento á cidadanía.
