Os mozos e mozas socialistas instaron a Feijóo a “apostar pola conservación do patrimonio natural de Galicia, e a dar marcha atrás na súa política mineira e acuícola”
O secretario xeral, Aitor Bouza, insistiu na “importancia
desta rede de espazos protexidos a prol da conservación da
biodiversidade na Unión Europea”
Santiago de Compostela, 20 de maio de 2013
As Xuventudes Socialistas de Galicia (XSG) veñen de sumarse á campaña
de Seo Bird Life e EFE para o Día Europeo da Rede Natura 2000, que terá
lugar mañá, martes 21, reivindicando o papel da Rede Natura da Unión
Europea como factor de conservación do patrimonio natural e elemento
clave para o desenvolvemento sostible de Galicia.
Deste xeito os mozos e mozas socialistas manifestan a súa aposta pola
defensa e protección destos valiosos espazos naturais, que en Galicia
corresponden ao 11,7 por cento do territorio.
O secretario xeral, Aitor Bouza, acompañado da secretaria de medio ambiente, Sofía Vázquez lembrou que “a Rede Natura 2000 é
unha rede de espazos protexidos europeos para a conservación da
biodiversidade dentro da Unión Europea. Lugares onde existe unha maior
diversidade de especies de flora e fauna, e nos que conviven a natureza e
a actividade humana respetuosa con esta, de altísimo valor ecolóxico,
social e económico. Os mozos socialistas destacan que en moitos destes
espazos, a actividade humana compatibílizase coa vida natural.” -engadiu
Bouza.
Os socialistas súmanse a campaña xa existente, e faran a súa propia nas redes socias de Facebook e Twitter,
con varias mensaxes, co obxectivo de informar sobre esta rede, xa que o
80 por cento da cidadanía non coñece de que se trata. Así esperan que
“a mocidade galega comece a coñecer esta rede, e se implique na súa
conservación.”
A Rede Natura 2000 componse -segundo explicaron dende a
Organización- de zonas especiais de conservación (ZEC) declaradas polos
Estados membros con arranxo á Directiva sobre hábitats e, ademais, das
zonas especiais de protección para as aves (ZEPA) que se designan de
acordo coa Directiva aves e lugares de interese comunitario (LIC).
Os mozos e mozas socialistas manifestaron que “o papel das
Administracións Públicas é clave para o coñecemento desta rede por parte
da sociedade, e dos seus beneficios sociais, ambientais e económicos
que ten; polo que instan á Xunta de Galicia a facer o seu traballo”
Bouza lembrou que “o plan director galego da Rede Natura 2000 aínda
non se aprobou, malia os prazos marcados pola UE que xa están
sobrepasados”. “Esiximoslle á Xunta de Galicia que exerza as súas
funcións”.
O secretario xeral, Aitor Bouza, criticou a política mineira e
acuícola dos populares, que permite o asentamento destas industrias
nestes espazos naturais protexidos. “Temos que abogar pola prohibición
das actividades extractivas a ceo aberto prexistentes e os
aproveitamentos enerxéticos industriais e mineiros subterráneos”
-engadiu.
Para concluír os dirixentes socialistas expuxeron sobre a proposta de ampliación da Rede Natura 2000 que
“non podemos permitir a utilización de artes de pesca que provoquen a
morte de aves mariñas, así como debemos erradicar a introdución de
especies exóticas para evitar a desaparición de especies autóctonas.”
