No día de onte tivemos a sorte de
contar coa presenza do xornalista e escritor Ramón
Chao. O vilalbés, afincado en París desde os anos cincuenta, ofreceu unha conferencia na que disertou sobre as distintas manifestacións da censura dende cando comezou a publicar, até os nosos días.
Durante o coloquio, celebrado na Facultade de Dereito da Universidade de Vigo, o xornalista repasou a
opacidade informativa existente na ditadura en España, e o "aperturismo" que
supuxo a lei de Prensa impulsada por Fraga como mecanismo máis que
aperturista con finalidade recadatoria, entre outras cousas.
