Xuntanza entre XXSS e os pre-candidatos ó Congreso Provincial do PSdeG

      Onte pola tarde, militantes das diferentes agrupacións das Xuventudes Socialistas da provincia de Ourense mantiveron sendas xuntanzas cos dous pre-candidatos á secretaría provincial do PSdeG, Pablo López Vidal e Raúl Fernández, co gallo de escoitar as súas propostas.

Pablo López, parlamentario autonómico durante as últimas tres lexislaturas, milita na agrupación local de Ourense, aínda que antes o fixo na agrupación local de Barbadás, onde foi concelleiro nos inicios da súa carreira política. Forma parte actualmente da comisión executiva local da súa agrupación e da propia comisión executiva provincial.


Raúl Fernández, candidato á reelección, que ocupa a secretaría provincial do PSdeG en Ourense desde Novembro de 2009, é mestre en exercicio na escola de Oímbra. Foi alcalde de Castrelo do Val durante catro lexislaturas e delegado da COTOP en Ourense entre 2005 e 2009.

Pablo López Vidal

Raúl Fernández