- En dous anos, o incremento nos prezos dos servizos e equipamentos xestionados pola Dirección Xeral de Xuventude chegou até o 27 % nalgúns casos.
- O prezo por praza nas
residencias de estudantes aumentou nun 23,2 % en dous anos.
- Denuncian “falta de
sensibilidade nun momento no que o paro xuvenil chega ao 50%”.
Ourense,
31 de Marzo de 2013
A Consellería de Traballo e Benestar da Xunta de
Galicia vén de aprobar, o pasado 18 de Marzo, a orde que establece os prezos
para o ano 2013 dos servizos, actividades e equipamentos xestionados pola
Dirección Xeral de Xuventude, como son os Campamentos de Verán, os albergues ou
as residencias de estudantes, como pode ser a “Residencia Florentino López Cuevillas”, no centro da cidade das
Burgas.
Trala súa publicación no D.O.G. do pasado do
pasado luns 25 de Marzo, as Xuventudes Socialistas de Ourense denuncian que
este é o segundo ano consecutivo no que as tarifas son incrementadas, chegando
a ser os prezos dalgúns servizos até un 27% máis caros que no ano 2011. Destacan o incremento nas tarifas dos Campamentos de Verán, cuxo prezo
aumentou nestes dous anos, para as estadías quincenais, nun 22,8 % , e para as
estadías diarias, nun 27,3 %. Outro exemplo sería o caso dos Campos de Traballo Nacionais e
Internacionais, cuxo incremento se produce entre 2012 e 2013, sendo prezos para este ano un 25%
superiores ao ano anterior.
O caso “máis
preocupante” é, para os socialistas ourensáns, o incremento na tarifa das
Residencias de Estudantes, orientadas a mozos e mozas con menos recursos – pois
o criterio de admisión atende, esencialmente, a circunstancias socioeconómicas
dos solicitantes-, e que presenta un incremento entre 2011 e 2013 dun 23,2%.
