Con motivo do Día Internacional do Orgullo LGTB, as Xuventudes Socialistas e o PSdeG fixeron un acto na sede provincial que contou coa participación, entre outros, do secretario provincial do PSdeG, Raúl Fernández, que se referiu na súa intervención á "importancia de fomentar o respecto á diversidade a través do sistema educativo e á necesidade de deter a involución na que nos está metendo o goberno do Partido Popular".
Durante acto, a secretaria de Igualdade das Xuventudes Socialistas de Ourense, Irina Fernández, deu lectura ao manifesto que, como cada ano, o PSOE elabora por estas datas, tras a colocación, na fachada posterior da sede provincial do PSdeG, da bandeira do arco iris; símbolo de respecto á diversidade que ondea xa fronte á beira do río Miño.
