XUVENTUDES SOCIALISTAS DE OURENSE PIDE A DIMISIÓN DO PRESIDENTE DE NOVAS XERACIÓNS POR APOLOXÍA NAZI E FASCISTA.

As Xuventudes Socialistas de Ourense piden a inmediata dimisión do presidente de Novas Xeracións de Ourense, José Antonio PARENTE, polo vídeo que se está a facer viral difundido por “OKDiario”, no que sae o dirixente popular facendo o saúdo fascista ao berro de ¡Viva España! tendo de fondo o símbolo das SS nazis nun cartel que fai referencia á “noite dos coitelos largos” de 1934.  (axúntase capturas de pantalla do video).

Para as Xuventudes Socialistas de Ourense resulta  vergoñento que un dirixente popular, que ademais formaba parte das listas electorais do PP, faga tan gratuíta apoloxía do fascismo e do nazismo menosprezando e banalizando así a tódalas vítimas da ditadura.

O Secretario Xeral das Xuventudes Socialistas, José Antonio NÓVOA, destaca tamén que Ourense é algo máis que mozos bébedos facendo o saúdo fascista e políticos ofrecendo  postos de traballo a cambio de favores sexuais. E lamenta a imaxe que se está dando do noso territorio ó resto do país.

 http://okdiario.com/investigacion/2016/10/17/presidente-nn-gg-del-pp-orense-saludo-fascista-baila-lady-gaga-borracho-457189

Amizades Perigosas

Xornadas onde Mario Conde era o gran protagonista pagados a conta de tódolos cidadáns. Alugueiros de inmobles de luxo arranxados con fondos europeos. E, para rematar, unha intentona de colocalo como candidato polo PP na Mezquita. Despois de isto e o do señor Marcial Dorado…. 

¿É cousa nosa ou a estes do PP vaille moito o das AMIZADES PERIGOSAS?

As Xuventudes Socialistas de Ourense celebraron a xornada sobre igualdade, saúde sexual e reprodutiva.

NA XORNADA INTERVIRON O XINECÓLOGO JOSE LUIS DOVAL E A PARLAMENTARIA DO PSdeG CARMEN ACUÑA.

As Xuventudes Socialistas de Ourense celebraron onte, no Espazo Lusquiños da Mocidade, un coloquio sobre políticas de igualdade, saúde sexual e reprodutiva.

No acto contouse coa análise, dende o punto de vista da práctica sanitaria, do Xefe de Xinecoloxía do CHUOU José Luís Doval. Así coma, dende a experiencia política, do punto de vista da deputada autonómica Carmen Acuña, Portavoz de Igualdade do PSdG- PSOE no Parlamento Galego.

Ambos poñentes fixeron un completo repaso da situación actual da materia no noso país, e na nosa cidade:  Dende a  importancia da corresponsabilidade entre homes e mulleres á hora de fomentar que as prácticas sexuais sexan seguras, ata a necesidade de instaurar unha educación sexual de calidade nos centros educativos.

XUVENTUDES SOCIALISTAS DE OURENSE ACUSA A JESÚS VÁZQUEZ DE FACER DEMAGOXIA COAS AXUDAS MUNICIPAIS

Xuventudes Socialistas lembra que o anterior goberno socialista aumentou a cuantía das axudas para paliar os recortes de Jesús Vázquez coma conselleiro de Educación.

Xuventudes Socialistas de Ourense denuncia a falta de escrúpulos e responsabilidade do Alcalde de Ourense Jesús Vázquez por “sacar peito” no seu perfil oficial das axudas municipais para libros de texto en materia de política educativa.

Dende as Xuventudes Socialistas recordan que mentres Jesús Vázquez suprimía o sistema de préstamo gratuíto de libros de texto e recortaba drasticamente  as becas para comedor e material, o goberno socialista de Ourense aumentaba as partidas para estas axudas. 

Destacan que no ano 2006 o goberno municipal do PP destinou 109.722.72 euros para un total de 311 axudas, no ano 2014 o goberno municipal socialista executou unha inversión de 306.000 euros concedendo 577 axudas.

Nova campaña: ¡ATERRIZA COMO POIDAS!

As Xuventudes Socialistas de Ourense presentan hoxe nas redes sociais a súa nova campaña “Aterriza como poidas”. A campaña consiste nunha ilustración do candidato do P.P. á alcaldía da Cidade de Ourense descendendo en paracaídas ó balcón do Concello, cunha tesoira na man, dende un helicóptero no que o saúda Alberto Núñez Feijoo.

A ilustración  vai acompañada cun texto onde se destaca o “historial” de Jesús Vázquez coma conselleiro, e destacan feitos coma o aplauso ós recortes en educación, o apoio a centros privados ultra-relixiosos, ou as dezaseis sentencias xudiciais en contra das súas decisións.

As Xuventudes Socialistas de Ourense critican o medo a debatir e a falta de espiritú democratico de Jesús Vázquez por fuxir do debate da TVG.

 - As Xuventudes Socialistas de Ourense acusan a Jesus Vázquez de ter medo a debater e de desprezar as veciñas e veciños de Ourense ao non asistir ao debate, mostra din da súa falta de propostas para a cidade.

Ourense, 10 de maio de 2015

As Xuventudes Socialistas de Ourense critican que o candidato elixido a dedo do Partido Popular para a alcaldía de Ourense, Jesus Vázquez, deixase baleira a súa cadeira no debate a catro organizado pola televisión pública de Galicia.

En palabras do seu Secretario Xeral, Jose Antonio Novoa, “Parece que para o candidato do Partido Popular é máis importante sacarse fotos coas súas gafas e invitar a cenas aos seus simpatizantes que debater sobre as súas propostas de futuro para a cidadanía de Ourense”. Remata Novoa: “Esperemos que a visión do futuro da cidade para o PP , agora que presume de gafas, non sexa a  de facer secar As Burgas como fixeron cando estiveron no goberno municipal”.

Presentación da Candidatura Socialista para a Cidade de Ourense.

Hoxe escoitamos a Pedro Sánchez presentando a Candidatura Socialista á Cidade de Ourense. Sobre nós, a vidriera co escudo da II República do Banco de España.

Actos de conmemoración do 14 de Abril.

Hoxe no Cemiterio de San Francisco, recordando a todos aqueles que deron a vida pola democracia e a ley. A todos os que deron a vida loitando contra franquistas, fascistas e nazis.

Aos auténticos defensores de España.

AS XUVENTUDES SOCIALISTAS 

DE OURENSE DENUNCIAN  SEXISMO NA CAMPAÑA ELECTORAL DO PP

As Xuventudes Socialistas de Ourense queren mostrar o seu rexeitamento ó uso sexista da imaxe da muller que o Partido Popular fai no seu programa electoral na parte dedicada ós moz@s, ilustrando ó mesmo cunha imaxe na que se reproduce unha fila de persoas, na súa maioría mulleres con pouca roupa e de marcado carácter sexista.

Segundo o seu Secretario Xeral, José Antonio Nóvoa Fernández, a imaxe “ademais dunha mostra de mal gusto, parece querer representar unha versión edulcorada das filas do INEM froito das políticas especulativas do PP”.

Tamén destacou Nóvoa que “esta é a imaxe que o Partido Popular e  Jesús Vázquez teñen da mocidade Ourensá, e deixa patente a concepción retrógrada da muller que teñen dende a dereita.”.

A Hora do Planeta.

Dende as Xuventudes Socialistas de Ourense sumámonos un ano máis á hora do planeta que se celebrará mañá sábado 28 de 20:30 a 21:30. 

E ti, queres apostar por cambiar o cambio climático?       http://www.horadelplaneta.es/

COBRO DO PREMIO DA LOTERÍA DE NADAL

Onte, 22 de Decembro, no sorteo de Nadal da Lotería Nacional, resultou premiado coa terminación do premio gordo, o número que xogabamos nas participacións vendidas pola agrupación local de Xuventudes de Ourense. A cantidade xogada por cada unha das participacións era de catro euros, xa que dos cinco que custaban, un era a modo de donativo para a agrupación. O premio por acertar a terminación é de seis euros por euro xogado, así que faría unha suma de vinte e catro euros por participación.

Para facilidade de todos, a partir de hoxe , poderanse cobrar os premios directamente na sede do PSdeG en Ourense, sita na rúa Ribeira de Canedo nº 24, presentando as participacións debidamente numeradas, de luns  a venres en horario de 9 a 13 h, e de 17 a 20 h, ademáis os xoves o horario extenderase até ás 9.30.

Moitas gracias por participar!